ಮಾತೆಂಬ ಜ್ಯೋತಿ
ಮಾತನು ಹೇಗೆ ಶೋದ ಮಾಡಿದ
ಮಾನವ ಮೊಟ್ಟ ಮೊದಲಿಗೆ
ಉಸಿರಿನ ಶಕ್ತಿಯ ಬಳಸಿಕೊಂಡು
ಅರ‍್ತವ ಕೊಟ್ಟ ತೊದಲಿಗೆ
ಗಂಟಲು ನಾಲಿಗೆ ಹಲ್ಲು ತುಟಿಗಳ
ಪಳಗಿಸಿಬಿಟ್ಟ ಬಾಶೆಗೆ
ಅಕ್ಶರ ಶಬ್ದ ಉಚ್ಚರಿಸುತ್ತ
ಬೆಳಕು ನೀಡಿದ ಮಾತಿಗೆ
ಕತ್ತಲೆ ಕೂಪದಿ ಮುಳುಗಿರುತಿತ್ತು
ಮಾನವ ಸಂಸ್ಕ್ರುತಿ ಈ ಹೊತ್ತು
ಮಾತಿನ ಜ್ಯೋತಿ ಬೆಡಗಿನ ನುಡಿಗಳು
ಇರುತಿರಲಿಲ್ಲ ಯಾವತ್ತು
ತಾ ಬೆಳೆದಂತೆ ಮಾತನು ಬೆಳೆಸಿದ
ಮನಸಿಗೂ ಮೀರಿದ ಚಿತ್ರಣಕೆ
ಬಾವನುಬಾವ ವಚನ ಕೀರ‍್ತನ
ಅವತರಿಸಿದವು ಕ್ಶಣಕ್ಶಣಕೆ
ಸಾವಿರದಂತಹ ಸಾವಿರ ಬಾಶೆ
ಅರಳಿ ನಿಂತಿವೆ ಲೋಕದಲಿ
ಒಂದಕ್ಕಿಂತ ಒಂದು ಹೆಚ್ಚು
ತಾಯಿ ನುಡಿಯ ತೂಕದಲಿ
ಯಾವುದು ಏನು ಕಂಡು ಹಿಡಿದರು
ಬಾಶೆಗಿಂತ ಮಿಗಿಲಿಲ್ಲ
ಮಾತು ಬರಹ ಇರದೋಗಿದ್ರೆ
ಮಾನವ ಬದುಕಿಗೆ ಬೆಲೆಯಿಲ್ಲ
(ಚಿತ್ರ ಸೆಲೆ: christiaan-janssens.blogspot.in )
ಇತ್ತೀಚಿನ ಅನಿಸಿಕೆಗಳು