ಕವಿತೆ: ಒಲವನೇ ಹಂಚೋಣ

– ಕಿಶೋರ್ ಕುಮಾರ್.

ಹಕ್ಕಿಗೆ ಗೂಡಿನಾಸರೆ
ಮೀನಿಗೆ ನೀರಿನಾಸರೆ
ಮೋಡಕೆ ಬಾನಿನಾಸರೆ
ಈ ಬಾಳಿಗೆ ನೀ ನನಗಾಸರೆ

ಮೂಡಿದೆ ಮಂದಹಾಸ
ಉಕ್ಕಿದೆ ಉಲ್ಲಾಸ
ಮನವೆಲ್ಲಾ ಸಂತೋಶ
ನೀ ತಂದದ್ದೇ ಈ ಸಂತಸ

ವರುಶಗಳ ಬಿತ್ತನೆಗೆ
ಹುಟ್ಟಿದೆ ಒಲವಿನ ತೆನೆ
ಇರದಿರಲಿ ಇದಕ್ಕೆಂದಿಗೂ ಕೊನೆ
ಒಲವಿಂದ ತುಳುಕಲಿ ಮನದ ಮನೆ

ಕಲ್ಲು ಮುಳ್ಳು ದಾರಿಯಲ್ಲಿದ್ದದ್ದೇ
ಸಾಗಲಿ ಈ ಪಯಣ ನಿಲ್ಲದೆ
ಒಲವಿಲ್ಲದೇ ಈ ಬೂಮಿ ಉಳಿವುದೇ
ಒಲವನೇ ಹಂಚೋಣ, ಮಿಗಿಲಾದದ್ದೇನಿದೆ?

( ಚಿತ್ರ ಸೆಲೆ: pixabay.com )