ಕವಿತೆ: ವಿಶ್ವಪತದ ಕನಸು

– ನಿರಂಜನ ಕೆ ನಾಯಕ.

ವಿದ್ಯೆಗೆ ಬೇಕಿಲ್ಲ ಗೋಡೆಯ ಸಾಲು
ಪರೀಕ್ಶೆಯಲ್ಲ ಎದುರ ಕಟಿಣ ಸವಾಲು
ಬರಿಯ ಪುಸ್ತಕವಲ್ಲ ಬವಿಶ್ಯದ ಕಾವಲು
ಅನುಬವದಿ ಬೆಸೆದ ಅರಿವಿನ ಪಾಲು

ಗೆರೆಗಳ ಕಳೆದ ಬೂಪಟದ ಗ್ನಾನ
ಎಲ್ಲರೂ ನಮ್ಮವರೆ ಮನುಜತ್ವ ತ್ರಾಣ
ವೈರುದ್ಯ ಗೋಡೆಯ ಕೆಡವಿದವ ಜಾಣ
ಬಾವ ಬೆಸೆದರೆ ಬಂದುತ್ವ ಜನನ

ಮೌಡ್ಯತೆ ಕಂದಕದ ಮೇಲೆ ಹಾರಿ
ವಿಗ್ನಾನ ಗ್ನಾನವ ಬೆಳಗಿ ಮೇಲೇರಿ
ವಿಮರ‍್ಶೆ-ತರ‍್ಕ ಒಳನೋಟದಿ ತೂರಿ
ಶೋದಿಸಿ ಬಲವು ನಮಗದೆ ರಹದಾರಿ

ಶಿಕ್ಶಣವು ಕೆಡುಕ ಕೆದಕಿ ಕುಕ್ಕಲಿ
ಒಳಿತ ಮಾತ್ರ ಬೆಳಗಿಸಿ ಮಿನುಗಲಿ
ನದಿ ವಿರಮಿಸದೆ ಸದಾ ಹರಿವಂತೆ
ಚೇತನ ಬತ್ತದಿರಲಿ ಬರಗಾಲದಂತೆ

ನಮ್ಮೊಳಗೆ ನಾವಿಳಿದು ಚಿಂತನೆ ಕಟ್ಟುವ
ವಿಶ್ವಪತದ ಕನಸ ನಾವು ಮುಟ್ಟುವ
ಹಿಂದಿನದ ಸರಿಸಿ ನಾಳೆಗೆ ದುಡಿಯುವ
ಬನ್ನಿ ಸೋದರರೆ ನಾವು ಮುನ್ನಡೆಯುವ

(ಚಿತ್ರ ಸೆಲೆ: 8-principles-of-life )